Лондоннинг "Арсенал" футбол клуби марказий ҳимоячиси Кристиан Москера жамоага қандай ўтгани ҳақида ўз фикрларини билдирди. Испаниялик футболчи жорий йилнинг июль ойида "Валенсия"дан 15 миллион евро эвазига "канонирлар" сафига қўшилган эди.
"Мен ҳар доим Англия Премьер-лигасини кузатиб борганман ва Англияда менинг жамоам "Арсенал" бўлган. Бу клубда ўзига хос бир аура борлигини ҳис қилардим.
Трансфер амалга ошишидан олдин, атрофимдаги бир киши: "Артета билан суҳбатдан кейин ҳеч қандай шубҳанг қолмайди", деган эди. Айнан шундай бўлди.
Микел билан гаплашган заҳоти ҳаммаси аниқ бўлиб қолди. У футбол билан яшайди, деталларга эътиборли ва бошқаларга кўринмайдиган нарсаларни пайқайди.
У ажойиб инсон ва менга жуда катта ёрдам берди. Мен ажойиб бир клубга тушиб қолдим," – деди Москера "Arsenal News Channel"га берган интервьюсида.
21 ёшли футболчи ҳозиргача лондонликлар сафида барча мусобақаларда 12 та ўйин ўтказишга улгурган.
Меҳмон гуруҳидаги фойдаланувчилар ушбу мақолага изоҳ қолдира олмайди.
