Роберт Левандовски ҳақида ёзилган Себастьян Сташевскийнинг китобига қизиқарли воқеалар киритилган. Улардан бири, юмшоқроқ айтганда, ғалати туюлиши мумкин: "Барселона" раҳбарияти польша ҳужумчисидан дебют мавсумининг охирида гол уришни тўхтатишни илтимос қилган.
Китобда келтирилишича, клуб вакилларидан бири: "Роберт, биз сўнгги икки турда гол урмаслигингни истаймиз", дея сўз бошлаган. Хонада клуб президенти Жоан Лапорта ҳам бўлган.
Баъзи расмийлар, май ойининг жазирама қуёши эмас, балки уятдан қизариб кетган эди. Левандовски уларга ҳайрат билан қараб қолган.
Манбага кўра, "Барселона" ўша пайтда молиявий қийинчиликлар туфайли иқтисод қилишга мажбур бўлган. Агар Левандовски Испания чемпионатида 25 та гол урганида, клуб унга 2,5 миллион евро миқдорида бонус тўлашга мажбур бўлар эди.
2022/2023-йилги Ла Лиганинг сўнгги икки турида Левандовски гол урмай, 23 та гол билан мавсумни якунлаган.
Меҳмон гуруҳидаги фойдаланувчилар ушбу мақолага изоҳ қолдира олмайди.
