Ямайка терма жамоаси бош мураббийи Стив Макларен ўз лавозимини тарк этишини эълон қилди. Бу ҳақда The Athletic хабар бермоқда.
Макларен Ямайкани Жаҳон чемпионатига олиб чиқа олмади. Гуруҳнинг ҳал қилувчи ўйинида Ямайка Курасао билан дуранг (0:0) ўйнади ва энди улар 2026 йил март ойида режалаштирилган қитъалараро плей-оффда иштирок этади.
"Ўйлайманки, мен учун энг яхши қарор – четга чиқиш. Улар март ойида муваффақиятга эришади.
Рахмат, Ямайка, бу мен учун шараф эди. Барчангизни севаман", – деди Макларен.
64 ёшли мураббий илгари "Твенте", Англия терма жамоаси ва "Мидлсбро"да ишлаган, шунингдек, "Манчестер Юнайтед"да Алекс Фергюсоннинг ёрдамчиси бўлган. У бу лавозимда 2024 йилдан бошлаб фаолият юритган.
"Мен хафаман, бу ҳеч нарсани англатмайди. Биз аввалига Хеймир Хадлгримссонни ёлладик, кейин у истеъфога чиқди.
Биз Стив Макларен яхши ўринбосар бўлади деб ўйладик, лекин ундай бўлиб чиқмади. Жуда хафа бўлдик", – деди Ямайка футбол федерацияси президенти Майкл Рикеттз.
Ямайка охирги марта 1998 йилда Жаҳон чемпионатида иштирок этган. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
