Теннис бўйича «Катта дубулға» туркумига кирувчи Australian Open–2017 мусобақасининг учинчи даврасида жаҳон рейтингида 117-ўринда бораётган ўзбекистонлик Денис Истомин испаниялик теннисчи, дунёнинг 31-ракеткаси Пабло Каррено Бустага қарши кортга чиқди.
Уч ярим соат давом этган беллашувда Денис Истомин 5 сетда – 6:4, 4:6, 6:4, 4:6, 6:2 ҳисобида ғалаба қозониб, фаолиятида биринчи марта Australian Open турнирининг нимчорак финалига чиқди.
Денис Истомин биринчи даврада хорватиялик Иван Додични 4 сетда – 6:1, 6:4, 3:6, 7:5 ҳисобида мағлубиятга учратган эди. Иккинчи даврада эса Ўзбекистон вакили дунёнинг 2-ракеткаси Новак Жоковични сенсацион тарзда таслим қилганди.
30 ёшли теннисчи нимчорак финалда болгариялик Григор Димитров (15-ракетка) ва франциялик Ришар Гаске (18-ракетка) учрашуви ғолибига қарши баҳс олиб боради. Ўйин натижасидан қатъи назар Истомин 165 минг доллар мукофот пулига эга бўлади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
