Манчестер Сити бош мураббийи Хосеп Гвардиола жамоанинг собиқ ярим ҳимоячиси Фернандиньонинг футболчилик фаолиятини якунлагани ҳақида фикр билдирди. Бразилиялик футболчи "шаҳарликлар" сафида 2013-йилдан 2022-йилгача ҳаракат қилган.
Яқинда 40 ёшли футболчи бутсаларини михга илиш қарорини эълон қилди. "Ажойиб хотиралар.
Ўша даврнинг ўзига хос футболчилари доим юрагимда қолади, Фернандиньо ҳам уларнинг бири. Мен бу ерга ўн йил аввал келганимда у менга жуда катта ёрдам берган эди.
У ажойиб футболчи эди. Ишончим комилки, у фаолиятини якунлаганидан сўнг ҳам футбол билан боғлиқ бўлади.
Ҳар бир футболчи фаолиятини тугатгач, "оилам ва фарзандларим билан бўлмоқчиман", деб айтади. Аммо бир неча кундан сўнг, "Кейин нима қиламан?" деб ўйлай бошлайди.
Юқори даражада ўйнаган тажрибали инсон футболга керак. У янги авлод учун кўп нарса бера олади.
Фернандиньони ажойиб, улкан фаолияти билан табриклайман. У келажакда Манчестер Сити мураббийи бўлиши мумкинми?
Балки, балки... Бу унинг қанчалик яхши эканига боғлиқ", – деди Гвардиола City Report нашрига.
Фернандиньонинг футболчилик фаолиятидаги сўнгги клуби Бразилиянинг "Атлетико Паранаэнсе" жамоаси бўлди.
Меҳмон гуруҳидаги фойдаланувчилар ушбу мақолага изоҳ қолдира олмайди.
