Белградда бўлиб ўтган “Champions League 2025” дзюдо клублараро мусобақасида ўзбекистонлик дзюдочилар яна бир бор халқаро майдонда ёрқин натижа қайд этди. Терма жамоанинг тўрт нафар аъзоси турли клублар сафида майдонга тушиб, муваффақиятли иштирок этди.
Олимпиада совриндори Алишер Юсупов ҳаракат қилган Франциянинг “Пари Сен-Жермен” жамоаси финалда Сербиянинг “Red Star” клубини 4:2 ҳисобида таслим этди ва Европа Чемпионлар Лигасининг ғолиби бўлди. Юсуповнинг ҳал қилувчи беллашувдаги ишончли кураши жамоага жиддий устунлик бергани қайд этилди.
Шунингдек, яна уч нафар ўзбекистонлик — Музаффарбек То‘рабоев, Шаҳрамс Аҳадов ва Шаҳрадхўжа Шарипов таркибида беллашган Қозоғистоннинг “Женис” клуби мусобақани бронза медаллари билан якунлади.
Белграддаги йирик мусобақа ўзбекистонлик дзюдочиларнинг маҳорат ва тайёргарлиги яна бир бор юқори даражада эканини исботлади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
