Эльче клуби бош мураббийи Эдер Сарабия Мадриднинг Реал клубига қарши бўлиб ўтган ўйиндаги ҳакамлик ишларини қаттиқ танқид қилди. Мазкур ўйин 2:2 ҳисобида якунланди.
Майдон эгалари 53-дақиқада ва ўйин сўнгига яқин, 84-дақиқада ҳисобда олдинга чиқишди, бироқ Мадрид клуби ҳар икки ҳолатда ҳам ҳисобни тенглаштиришга эришди. Айниқса, Винисиус Жуниор ва Эльче дарвозабони Иняки Пенья ўртасида юз берган эпизод катта баҳс-мунозараларга сабаб бўлди: бразилиялик футболчи иккинчи гол олдидан Пеньянинг юзига зарба берган, бироқ ҳакам бу ҳолатда қоидабузарликни қайд этмади.
"Мен бу ўйиндаги дуранг натижадан умуман қониқмадим. Винисиус аниқ Пеньяга қарши қўпол ўйнади.
Унинг юзига зарба берилгани ва Инякининг бунида из қолганини кўриш мумкин. Ҳакамлик натижага жиддий таъсир кўрсатди, бундан жуда ғазабдаман", деди Сарабия ўйиндан кейинги интервьюсида.
Шу билан бирга, Эльче дарвозабони Пенья иккита гол ўтказиб юборганига қарамай, ўйиннинг энг яхши футболчиси деб топилди.
Меҳмон гуруҳидаги фойдаланувчилар ушбу мақолага изоҳ қолдира олмайди.
