Португалиянинг "Спортинг" жамоаси бош мураббийи Руй Боргес "Брюгге"га қарши учрашувдаги ўз жамоасининг ҳаракатларини юқори баҳолади. Чемпионлар лигаси гуруҳ босқичининг бешинчи турида ўтказилган ўйинда португаллар бельгиялик рақибларини 3:0 ҳисобида мағлубиятга учратди.
"Қийин рақибга қарши ўйин натижасини ҳал қила олдик. Улар прессинг орқали бизга биринчи дақиқадан бошлаб муаммо туғдиришди.
Уларнинг нималарга қодирлигини билардик, аммо биз жуда етук жамоа бўлдик, бу эса жуда муҳим эди. Жамоа хотиржамлик ва ўзига ишонч билан ўйнади", - дейди Боргес Sapo нашрига берган интервьюсида.
Шунингдек, мураббий "Атлетик Бильбао"га қарши ўйин ҳамда қолган учта учрашувда ҳам жамоаси рақобатбардош бўлишига ишонч билдирди. Ушбу ғалабадан сўнг "Спортинг" 10 очко билан турнир жадвалида 8-ўринда жойлашган бўлса, "Брюгге" 4 очко билан 26-ўринда қолди.
Меҳмон гуруҳидаги фойдаланувчилар ушбу мақолага изоҳ қолдира олмайди.
