Бразилиялик афсонавий собиқ футболчи Зико Саудия Арабистонининг "Ал-Насср" жамоасида ўйнаётган ҳужумчи Криштиану Роналду ҳақида фикр билдирди. 40 ёшли португалиялик футболчи фаолиятидаги голлар сонини мингтага етказишни мақсад қилган.
Ҳозирда у 953 та голга эга. "Одамлар уни фақат гол урувчи сифатида кўришади, лекин у 40 ёшида ҳам кўплаб бошқа футболчилардан кўра кўпроқ ҳаракат қилади.
Умид қиламанки, у 2000 та гол уради. Мен учун у ибрат намунаси.
У жароҳат олмайди, машғулотларни ўтказиб юбормайди ва тунги ҳаёт билан шуғулланмайди. Агар мен бугунги кунда футболчилик фаолиятимни бошлаган бўлганимда, Криштиану менинг идеал намунам бўларди.
Афсуски, мен ҳали ҳам у билан шахсан танишмаганман", деди Зико "Ал Насср Зоне" нашрига. Якшанба куни "Ал-Насср" Саудия Арабистони чемпионати доирасида "Ал-Халиж"ни ўз майдонида қабул қилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
