Португалия терма жамоаси ва "Бешиктош" клуби футболчиси Рафа Силва ўз футболчилик фаолиятини якунлашни режалаштирмоқда. Бу ҳақда Halk TV хабар бермоқда.
Манбанинг таъкидлашича, қанот ҳужумчиси позициясида ўйнайдиган Силва энди футбол ўйинидан аввалгидек завқ олмаяпти. Клуб президенти футболчини бу фикридан қайтаришга ҳаракат қилмоқда.
Уларнинг биринчи мулоқоти "Фенербахче"га қарши дерби ўйинидан олдин бўлиб ўтган. Натижада, 32 ёшли футболчи майдонга тушган эди.
Кутилишича, бу масала бўйича якуний қарор Силва ва клуб президенти ўртасидаги янги учрашувда қабул қилинади. Эҳтимол, португалиялик футболчига шартномани муддатидан олдин бекор қилиш учун компенсация тўлашига тўғри келади.
Рафа Силва ўзининг асосий футболчилик фаолиятини ватани Португалияда ўтказган. У "Брага" ва "Бенфика" клублари сафида ўйнаган.
Шунингдек, у Португалия терма жамоаси билан Европа чемпионати ва Миллатлар лигасида ғолибликни қўлга киритган. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
