Декудан Левандовски келажаги ҳақида изоҳ

“Барселона” спорт директори Деку ҳужумчи Роберт Левандовскининг клубдан кетиши ҳақидаги тахминларга ўз муносабатини билдирди. 37 ёшли футболчининг амалдаги шартномаси жорий мавсум якунида тугайди.

Кўплаб миш-мишларга кўра, юлдузли поляк ҳужумчисини Саудия Арабистони клублари ўз сафига қўшиб олмоқчи. Деку бу борада шундай деди: “Роберт сўнгги йилларнинг энг яхши ҳужумчиларидан бири ва унинг шартномаси ҳали якунланмаган.

Ҳозирча ҳеч нарса ҳал қилинмаган, хулоса чиқариш учун эрта.” Жорий мавсумда Левандовски Ҳанс-Дитер Флик жамоаси таркибида 16 ўйинда 8 та гол уриб, 1 та голли узатмани амалга оширди. “Zamin”ни Telegram'да ўқинг!