15-тур доирасида Лига 1 мусобақасида "Осер" ва "Мец" жамоалари ўзаро тўқнаш келишди. Бу ўйин иккала жамоа учун ҳам турнир жадвалининг сўнгги ўрнидан чиқиб кетиш учун муҳим аҳамиятга эга эди.
Учрашувнинг 36-дақиқасида "Мец" жамоаси футболчиси Садибу Санэ қўли билан ўйнагани учун жамоаси дарвозасига пенальти белгиланди. "Осер" футболчиси Лассин Синайоко зарбани аниқ амалга ошириб, ҳисобни очди – 1:0.
Орадан уч дақиқа ўтиб, Усама Эль-Аззузи ҳисобни икки баробар оширди. Биринчи бўлим якунида "Мец" футболчиси Готье Эн жарима зарбасидан тўпни дарвозага йўллаб, ҳисобни қисқартирди – 2:1.
Иккинчи бўлимда "Мец" ҳужумчиси Хабиб Диалло ўз жамоаси учун яхши имкониятдан фойдалана олмади. Ўйиннинг 89-дақиқасида эса Кевин Дануа узоқ масофадан кучли зарба йўллаб, учинчи голни киритди ва натижани 3:1 кўринишига келтирди.
Мазкур ғалаба "Осер" жамоасини турнир жадвалида сўнгги ўриндан олиб чиқиб, "Мец"ни энг қуйи поғонага туширди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
