Болонья бош мураббийи Винченцо Итальяно Италия Суперкубоги ярим финали олдидан матбуот анжуманида қатнашди. Унинг жамоаси 19 декабр куни Интерга қарши майдонга тушади, дея хабар берди Sky Sport Italia.
Мутахассис ушбу баҳс Болонья учун муҳим соврин йўлидаги имконият эканини таъкидлади. Унинг сўзларига кўра, кучли рақиблар фонида Болонья бу турнирда гўё "ортиқча тўртинчи"дек кўринади, бироқ айнан шу ҳолат жамоани оддий даражада ўйнай олмасликка, максимал куч билан ҳаракат қилишга мажбур қилади.
Итальяно Чиро Иммобиле ҳақида ҳам гапирди. Мураббий унинг учрашувни илк дақиқалардан бошлай олмаслигини, аммо ўйин давомида майдонга тушиб жамоага фойда келтириши мумкинлигини айтди.
Қайта жароҳат олиш хавфи борлигини тан олган ҳолда, ҳозир футболчи ўзини хотиржам ва эркин ҳис қилаётганини қайд этди. Шунингдек, ким ўйнашидан қатъи назар, ҳар бир футболчи бор кучини беришини, бу баҳс катта синов бўлишини қўшимча қилди.
Мураббий Болоньядан Эр-Риёдга 400–500 нафар мухлис келиши кутилаётганини ҳам алоҳида эътироф этди. Унинг айтишича, у жамоада бир ярим йилдан бери ишлайди ва мухлисларнинг бундай қўллаб-қувватлаши кучли қўшимча туртки беради.
Итальяно бу фидойилик албатта муносиб тарзда қадрланиши кераклигини, жамоа эса мухлисларни янада фахрлантиришга интилишини билдирди. Учрашув Москва вақти билан соат 22:00 да бошланади.
Ушбу жуфтлик ғолиби финалда Наполи билан тўқнаш келади. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
