Португалия Эрон билан ўйнаб, Ўзбекистонга қарши тайёргарлик кўради
Португалия 2026 йилги жаҳон чемпионати олдидан июн ойи бошида Лиссабонда Эрон терма жамоасига қарши ўртоқлик учрашуви ўтказади. Келишув деярли якунланган бўлиб, баҳсни «Бенфика» клубига тегишли «Эштадиу да Луш» стадионида ўтказиш режалаштирилмоқда ва ҳозирча фақат расмий тасдиқ кутилмоқда. Португалия жаҳон чемпионати гуруҳ босқичида Ўзбекистон, Колумбия ҳамда Конго Демократик Республикаси, Ямайка ёки Янги Каледониядан бири билан ўйнайди.
Португалия миллий терма жамоаси 2026 йилги жаҳон чемпионати олдидан тайёргарлик доирасида навбатдаги ўртоқлик учрашувини ўтказиш арафасида турибди. Маълумотларга кўра, июнь ойи бошида португалияликлар Лиссабон шаҳрида Эрон терма жамоасини қабул қилади.
Манбаларнинг таъкидлашича, томонлар ўртасидаги келишув деярли якуний босқичга етиб келган. Учрашув 2026 йил июнь ойида «Бенфика» клубига тегишли машҳур «Эштадиу да Луш» стадионида ташкил этилиши режалаштирилмоқда. Айни пайтда фақат расмий тасдиқ қолган, холос.
Қайд этиш жоизки, мазкур беллашув Португалия учун муҳим аҳамиятга эга. Чунки жаҳон чемпионати гуруҳ босқичида португалияликлар Ўзбекистон, Колумбия ҳамда плей-офф орқали аниқланадиган жамоа — Конго Демократик Республикаси, Ямайка ёки Янги Каледониядан бири билан куч синашади.
Португалия мураббийлар штаби Эрон терма жамоаси ўйин услубини Ўзбекистон жамоасига яқин деб ҳисобламоқда. Шу сабабли мазкур ўртоқлик баҳси орқали жамоа нафақат умумий форма, балки айни рақибларга қарши тактик ечимларни ҳам синаб кўришни режалаштирган.
Мутахассислар фикрича, Лиссабондаги ушбу учрашув Португалия учун гуруҳдаги рақибларга мослашиш ва ўйин моделини янада мукаммаллаштириш йўлида муҳим қадам бўлади.
Изоҳлар 0
…