Goal нашри Англия Премер-лигасининг жорий мавсумида кутилган даражада ўзини кўрсата олмаган трансферлар бўйича рейтингини тақдим этди. Рўйхат футболчиларнинг майдондаги иштироки, статистикаси ва уларга тўланган суммага нисбатан қай даражада таъсир бергани ҳисобга олинган ҳолда тузилган.
Энг кўп муҳокама қилинаётган нуқта — биринчи ўрин. «Ливерпул» 125 миллион фунтга олиб келган швециялик ҳужумчи Александер Исак ҳозирча “катта нарх — кичик фойда” сценарийсида: у АПЛда 10 ўйин ўтказиб, фақат 2 гол билан чекланиб қолган.
Иккинчи поғонадан «Астон Вилла» сафида ижарада ўйнаётган Харви Эллиотт жой олган бўлса, учинчи ўрин «Ноттингем Форест» футболчиси Арно Калимуэндога насиб этган.
Goal талқинига кўра, АПЛда жорий мавсумда ишончни оқламаётган трансферлар рўйхати қуйидагича:
11. Рандал Коло-Муани («Тоттенҳэм») — «ПСЖ»дан ижара
10. Жейми Гиттенс («Челси») — 52 млн фунт
9. Терно Барри («Эвертон») — 28 млн фунт
8. Жейдон Санчо («Астон Вилла») — «МЮ»дан ижара
7. Милош Керкез («Ливерпул») — 40 млн фунт
6. Виктор Гокереш («Арсенал») — 55 млн фунт
5. Бенямин Шешко («Манчестер Юнайтед») — 74 млн фунт
4. Энтони Эланга («Нюкасл») — 55 млн фунт
3. Арно Калимуэндо («Ноттингем Форест») — 26 млн фунт
2. Харви Эллиотт («Астон Вилла») — «Ливерпул»дан ижара
1. Александер Исак («Ливерпул») — 125 млн фунт
Қисқаси, рўйхат шунга ишора қилаяптики: катта маблағ ҳар доим ҳам катта натижа дегани эмас. Энди асосий савол — бу футболчилар мавсумнинг иккинчи ярмида “қайта ёниб”, танқидларга жавоб қайтара оладими?
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
