«Milan» ярим ҳимоячиси Адриен Рабьо жамоа баъзи учрашувларда жуда кеч уйғониб, ўйин давомида рақибга устунлик бериб қўяётганидан норози бўлди. Унинг айтишича, «россонери» сўнгги турда «Женоа»га қарши баҳсда айнан шу муаммога дуч келиб, мағлубиятдан зўрға қутулиб қолди. Бу ҳақда euro-football.ru хабар беради.
«Менталитет билан боғлиқ муаммо бор: биз фақат бир тайм яхши ўйнаб қўя олмаймиз, иккала таймда ҳам сифатли ўйнашимиз шарт. Бу устида ишлаш ва вазиятни ўзгартириш керак», — дея Рабьонинг фикрларини pianetamilan.it келтиради.
Италия чемпионатининг кейинги турида «Milan» «Fiorentina»га қарши майдонга тушади. Ҳозир клуб А Серия турнир жадвалида иккинчи ўринни эгаллаб турибди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
