Осиё кубоги–2026 финал босқичи олдидан жиддий тайёргарлик олиб бораётган Ўзбекистон миллий футзал терма жамоаси навбатдаги назорат учрашувида Кувайт термасига қарши майдонга тушди.
Беллашув ЎФА тасарруфидаги Миллий жамоалар марказида ташкил этилди. Учрашув ёпиқ эшиклар ортида ўтказилганига қарамай, майдондаги кайфият “расмий ўйин”дек: темп баланд, кураш қаттиқ, ҳар бир эпизодда тартиб ва интизом сезилди. Якунда эса футзалчиларимиз 3:1 ҳисобида ишончли ғалабани расмийлаштирди.
Ўйинда жамоамиз сафидан голларни Элбек Тўлқинов, Суннатилла Жўраев ҳамда Ихтиёр Ропиев ўз номига ёздириб қўйди. Бу голлар нафақат ҳисобни, балки умумий ишончни ҳам кўтарди: терма жамоа тайёргарликда тўғри йўналишда кетаётганини кўрсатди.
Маълум қилинишича, миллий жамоа 20 январга қадар машғулотларни Ўзбекистонда давом эттиради. Демак, олдинда яна бир неча муҳим йиғин, тактик ишланмалар ва рақобатли “селекция” бор. Чунки Осиё кубоги финал босқичи — “синов” эмас, у ерда натижа талаб қилинади.
Назорат учрашуви
Ўзбекистон – Кувайт 3:1
Голлар: Элбек Тўлқинов, Суннатилла Жўраев, Ихтиёр Ропиев.
