Россия терма жамоаси бош мураббийи Валерий Карпин «Монако» ярим ҳимоячиси Александр Головинга «Реал»га қарши ўйин олдидан маслаҳат бергани ҳақидаги постига изоҳ берди. Бу ҳақда euro-football.ru хабар беради.
Эслатиб ўтамиз, 20-январ куни «Монако» Европа Чемпионлар лигасида Мадридда «Реал»га 1:6 ҳисобида имкониятни бой берган. Учрашув арафасида Карпин россиялик футболчи билан тушган суратни жойлаб, Головинга бир нечта тавсия берганини ёзганди.
Карпиннинг айтишича, у ўша ўйинни стадиондан кузатган, бироқ натижа кўнгилдагидек бўлмаган. Мутахассис Головинга берган “маслаҳати” аслида ҳазил ва киноя бўлганини таъкидлади: у футболчига аниқ кўрсатма бериш мураббийлар штаби вазифаси эканини қайд этди.
Головин жорий мавсумда Франция Лигасида 13 учрашувда майдонга тушиб, 2 та гол урди ва 1 та голли узатма муаллифи бўлди.
“Zamin”ни Telegram'да ўқинг!
