Француз журналиси Жан-Филип Леклер (L’Equipe) россиялик дарвозабон Матвей Сафоновнинг ПСЖдаги ҳолати ҳақида фикр билдирди. Унинг айтишича, ҳозир Сафонов кўпроқ иккинчи рақамли голкипер сифатида кўрилаётган бўлса-да, майдонда ўзини кўрсатиши учун яна бир имконият берилиши лозим. Бу ҳақда euro-football.ru хабар беради.
Леклер Сафонов жароҳат олгунига қадар жуда ишончли ўйин намоён этганини таъкидлади. Журналист фикрича, ўша вақтдан бери Шевале ишонч уйғотмаяпти ва ҳатто жиддий хавотирга сабаб бўлмоқда. Шу боис у Сафоновни яна бир бор синаб кўриш кераклигини айтди, бироқ айнан Луис Энрике таркибда Шевалени кўришни истаганини ҳам эслатди.
Шунингдек, Леклер агар Шевале ПСЖда иккинчи дарвозабон мақомига тушиб қолса, бу ҳолат Энрике томонидан “хиёнат” сифатида қабул қилиниши қайд этди.
Аввалроқ Сафонов жароҳатдан сўнг ПСЖ билан машғулотларни қайта бошлагани ҳақида хабарлар тарқалган эди. Луис Энрике жамоаси навбатдаги учрашувини 28-январ, чоршанба куни “Ньюкасл”га қарши Европа Чемпионлар лигасида ўтказади.
“Zamin”ни Telegram'да ўқинг!
