«Манчестер Сити» бош мураббийи Хосеп Гвардиола Эрлинг Холанннинг сўнгги ўйинларда гол уриш кўрсаткичлари пасайгани ҳақидаги саволга муносабат билдирди. Бу ҳақда euro-football.ru хабар беради.
Мутахассиснинг таъкидлашича, жамоа ҳужумда яхшироқ ўйнаб, кўпроқ вазиятлар яратиши керак — шунда Холанн яна мунтазам гол ура бошлайди. Гвардиола тўпурарларни ҳеч қачон камситмаслик лозимлигини айтиб, «эртами-кечми улар сизни жим қилишади» дея огоҳлантирди. Унинг фикрича, Холанн фаолияти давомида гол уришда тўхтамайди.
«Манчестер Сити» 28-январ, чоршанба куни Чемпионлар лигасида «Галатасарой»ни ўз майдонида қабул қилади. Учрашув 01:00 да (Тошкент вақти билан) старт олади.
Шунингдек, хабарда Холанн «Манчестер Сити»ни фақат битта клуб учун тарк этишга тайёр экани ҳақида ҳам эслатиб ўтилган.
“Zamin”ни Telegram'да ўқинг!
