Германия чемпионатининг 19-турида «Санкт-Паули» ўз майдонида «РБ Лейпциг»ни қабул қилди ва уч очкони охирги дақиқаларда бой бераётган рақибдан дурангни суғуриб олди. Бу ҳақда euro-football.ru хабар беради.
Учрашув бошида меҳмонлар фаоллик кўрсатди: 8-дақиқада Ксавер Шлагернинг зарбаси устунга тегиб қайтди. «Санкт-Паули» ҳам имконият топди — Рики-Жейд Жонс жарима майдонида назоратсиз қолган вазиятда дарвозани нишонга ола билмади, қолаверса офсайдда эди. Биринчи бўлим охирида Ян Диоманднинг узатмасидан сўнг Антонио Нусанинг зарбасини дарвозабон қайтарди.
Ҳисоб 66-дақиқада очилди: бурчак зарбаси самара бермагач, ҳужум давом этди ва Диоманд рикошет ёрдамида тўпни дарвозага жойлади — 0:1. Қўшимча дақиқаларда эса Давид Раум жарима майдонида Мартеин Карсга қарши қоида бузди ва ҳакам пенальти белгилади. 11 метрдан Карс дарвозабон йўналишни топганига қарамай, аниқ ижро этди — 1:1.
Дурангдан кейин «РБ Лейпциг» турнир жадвалида тўртинчи поғонага кўтарилди, «Санкт-Паули» эса пастки қисмда — охиридан иккинчи ўринда қолди.
“Zamin”ни Telegram'да ўқинг!
