Россия терма жамоасининг собиқ ҳужумчиси Андрей Канчельскис «Евро-Футбол.Ru» нашрига берган интервьюсида 2026 йилги жаҳон чемпионати олдидан ўз фикрларини билдирди. Бу ҳақда euro-football.ru хабар беради.
Канчельскисга кўра, бу сафар турнирда жамоалар сонининг ҳаддан ташқари кўпайиши мусобақа сифатига салбий таъсир қилиши мумкин. У Испания ёки Германия каби грандлар Курасао сингари рақибларни йирик ҳисобда енгиб қўйиши эҳтимоли борлигини айтиб, бундай ўйинлар томошабинда катта қизиқиш уйғотмаслигини таъкидлади. Собиқ футболчи иштирокчилар сони ошиши интрига ва кескинликни камайтиради, чунки мухлислар мундиални айнан кутилмаган натижалар ва сенсациялар учун севишини қўшимча қилди.
2026 йилги жаҳон чемпионати АҚШ, Мексика ва Канада мезбонлигида ўтказилади. Турнир 11 июндан 19 июлгача давом этади ва мундиал тарихида илк бор рекорд даражадаги 48 та терма жамоа иштирок этади.
“Zamin”ни Telegram'да ўқинг!
