Муриқи «Барселона» эътиборига миннатдорчилик билдирди
Ведат Мурики «Барселона»нинг эътибори учун миннатдорчилик билдирди, бироқ ўзини Роберт Левандовскига тенг кўрмаслигини таъкидлади. «Маёрка» форварди жорий мавсум Ла Лигада 15 та гол уриб, сермаҳсул ҳужумчилар қаторидан жой олди. «Барселона» ижтимоий тармоқлардаги постида Мурикини Роберт Левандовски билан қиёслаган эди. Учрашувда эса «Барселона» «Маёрка»ни 3:0 ҳисобида мағлуб этди.
Ла Лига доирасида «Барселона» — «Майорка» учрашуви олдидан каталонияликлар косоволик ҳужумчи Ведат Муриқининг жорий мавсумдаги натижаларини алоҳида эътироф этди. «Майорка» форварди чемпионатда 15 та гол уриб, сермаҳсуллар қаторида жой олган. Бу ҳақда euro-football.ru хабар беради.
«Барселона» ижтимоий тармоқларда Муриқи ҳақида пост жойлаб, унда уни жамоа тўпурари Роберт Левандовски билан қиёслашгача борди. Бироқ Муриқи бундай таққослашни ортиқча деб ҳисоблаб, «Барса»га эътибор учун раҳмат айтди ва ўзини Левандовскига тенг кўрмаслигини таъкидлади.
«Умуман олганда, Роберт билан тенглашадиган ҳужумчилар кўп эмас. Мен эса бу доирага кирмайман. Лекин эътибор учун раҳмат!» — деб ёзди Муриқи.
Учрашувнинг ўзида эса «Барселона» рақибини 3:0 ҳисобида мағлуб этди.
Изоҳлар 0
…