Бундеслиганинг 21-турида «Кёльн» ўз майдонида «РБ Лейпциг»ни қабул қилди. Бу ҳақда euro-football.ru хабар беради.
Учрашув бошланишида мезбонлар Саид эл-Мала орқали хавфли вазият яратди, бироқ дарвозабон ишончли ҳаракат қилди. Орадан кўп ўтмай Давид Раумнинг зарбасида ҳам посбон маҳоратни кўрсатди, ҳужум давомида эса Ромуло Круз тўпни устунга тегкизиб юборди. Қулай позицияда қолган Ксавер Шлагер эса жарима майдони ичида аниқ ура олмади. 29-дақиқада «Кёльн» дарвозабони қўпол хатога йўл қўйди ва Кристоф Баумгартнер бош билан ҳисобни очди — 0:1.
Иккинчи бўлим аввалида Ян Тилманн фаоллик кўрсатиб, ҳисобни тенглаштирди — 1:1. Беш дақиқа ўтиб, Шлагер ҳужумни кескинлаштирди ва Баумгартнер яна бир бор рақиб дарвозасини ишғол қилиб, «Лейпциг»ни яна олдинга олиб чиқди — 1:2. Якуб Камински ҳисобни тенглаштириш учун имкониятга эга бўлди, аммо унинг зарбаси жуда омадсиз чиқди.
Ушбу ғалабадан сўнг «РБ Лейпциг» «Штутгарт»ни ортда қолдириб, турнир жадвалида 4-ўринга кўтарилди. «Кёльн» эса 10-поғонада қолди.
“Zamin”ни Telegram'да ўқинг!
