Германия Бундеслигасининг 22-турида Дортмунднинг «Боруссия»си «Сигнал Идуна Парк»да «Майнц»ни қабул қилди ва учрашув тақдирини деярли биринчи бўлимдайоқ ҳал қилиб қўйди. Бу ҳақда euro-football.ru хабар беради.
10-дақиқада Юлиан Риерсоннинг узатмасидан сўнг Серу Гираси бош билан ҳисобни очди. Орадан беш дақиқа ўтиб, Риерсон яна бир бор аниқ пас узатди — бу сафар Максимилиан Байер «иккинчи қават»дан фойдаланди ва фарқни иккитага етказди. Танаффус арафасида эса илк гол муаллифи Гираси Риерсоннинг учинчи голли узатмасини ҳам голга айлантириб, дубл қайд этди — 3:0.
Иккинчи бўлимда «Майнц» дарвозабони бир неча бор жамоасини қутқаришга уриниб кўрди: у Феликс Нмечининг хавфли зарбасини қайтарди, стандарт вазиятдан кейин Шералдо Бекер йўллаган тўпни ҳам ушлади. Бироқ 84-дақиқада Риерсон бурчак зарбасини узатди, натижада тўп ҳимоячи Доминик Кор орқали ўз дарвозасига кириб кетди — 4:0.
Ушбу ғалабадан кейин «Боруссия» турнир жадвалида «Бавария»дан бор-йўғи уч очко ортда қолди. «Майнц» эса қуйи поғоналарда, охиридан бешинчи ўринда бормоқда.
“Zamin”ни Telegram'да ўқинг!
