Португалия терма жамоаси бош мураббийи Роберто Мартинес Криштиану Роналду қачон футболчилик фаолиятини якунлаши мумкинлиги ҳақида фикр билдирди. Бу ҳақда euro-football.ru хабар беради.
Февраль ойи бошида 41 ёшни қарши олган Роналду ҳозирча формадан тушмаган. Мартинеснинг айтишича, унинг жисмоний кўрсаткичлари ҳали узоқ вақт юқори даражада ўйнашга етади.
«Унинг ҳолати яна, яна ва яна ўйнашга имкон беради. Менимча, асосий савол — у қачон ўзи учун мос пайт келганини ҳис қилади. У жуда ўзига талабчан футболчи. Жамоага энди фойда бера олмаётганини англаганида, ўшанда тўхташ ҳақида қарор қилади», — деди Мартинес BBCга берган интервьюсида.
Клуб миқёсида Роналду Саудия Арабистонининг «Ал-Наср» жамоасида тўп сурмоқда. Юлдуз футболчи норозилик сабаб бир неча учрашувни ўтказиб юборганидан сўнг, шанба куни яна таркибга қайтиши кутилмоқда. У клуб бошқарувидаги қарорлардан норози эканини шу тариқа намойиш этган эди.
«Ал-Фатеҳ» — «Ал-Наср» учрашувини LiveResult сайтида матнли трансляция орқали кузатиш мумкин.
“Zamin”ни Telegram'да ўқинг!
