СССР терма жамоаси ва Москванинг ЦСКА клубида ҳимоячи сифатида тўп сурган Владимир Пономарёв собиқ «армиячи» Александр Головин ҳақида фикр билдирди. Ҳозирда ярим ҳимоячи Франциянинг «Монако» жамоасида ўйнамоқда. Бу ҳақда euro-football.ru хабар беради.
Пономарёвнинг айтишича, Головин ҳозир ЦСКАга қайтган тақдирда ҳам жамоани сезиларли кучайтира олмаслиги мумкин. У футболчининг ёши 30 га яқинлашаётгани, бу эса ўйинда ўз таъсирини кўрсатаётганини таъкидлади. Собиқ футболчи Головинда интизом билан боғлиқ муаммолар кўпайганини ҳам қайд этиб, агар имконият бўлса, мураббийлик каби бошқа йўналишни кўриб чиқишни маслаҳат берди.
Маълумот учун, Головин сўнгги икки учрашувда — чемпионат ва Чемпионлар лигаси ўйинларида — икки марта майдондон четлатилган. Жорий мавсумда эса у 26 та учрашувда қатнашиб, 2 та гол урди ва 5 та голли узатмани амалга оширди.
“Zamin”ни Telegram'да ўқинг!
