Россия терма жамоасининг собиқ бош мураббийи, ҳозирда «Ахмат»да фаолият юритаётган Станислав Черчесов «ПСЖ» дарвозабони Матвей Сафоновнинг француз гранд клубидаги ўйинлари ҳақида фикр билдирди. Бу ҳақда euro-football.ru хабар беради.
Мутахассис таъкидлашича, «ПСЖ» каби йирик жамоаларда футболчининг паспорти эмас, майдондаги даражаси баҳоланади.
— У «ПСЖ»да ўз савиясини кўрсатяпти. Майдондаги иши орқали европаликларга Россияда ҳам футбол борлигини англатяпти. Мен учун Сафонов биринчи рақамга айланди, буни «ПСЖ» сафида Шевалье қандай ўйнаётганини кўрганимдан кейин янада аниқ ҳис қилдим, — дея Черчесовнинг сўзларини «Match TV» келтиради.
Жорий мавсумда Сафонов барча мусобақаларда 9 та учрашувда майдонга тушди, 10 та гол ўтказиб юборди ва 3 марта дарвозасини дахлсиз сақлаб қолди.
“Zamin”ни Telegram'да ўқинг!
