“Болонья” А Сериянинг 26-турида “Удинезе”ни минимал ҳисобда мағлуб этиб, ниҳоят узоқ кутилган ғалабага эришди. Учрашувда Сантьяго Кастро деярли тўлиқ ўйнади ва 85-дақиқада захирага олинди. Бу ҳақда euro-football.ru хабар беради.
Ўйин якунидан сўнг ҳужумчи “Болонья”нинг 106 кундан бери ғалаба қозона олмай келаётганини эслатиб, жамоа ниҳоят натижага ҳам эришганини таъкидлади. Кастронинг сўзларига кўра, жамоа ўйини йўлга қўйилган бўлса-да, ғалаба узоқ вақт қўлга кирмаган, энди эса бу Европа Лигасига қайтиши арафасида айниқса муҳим.
“Ҳужумчи сифатида гол уришни ёқтираман, аммо ундан ҳам кўпроқ жамоанинг ютуғи ва жамоавий ўйинини қадрлайман”, — дея Кастронинг фикрларини келтиради bolognafc.it. Бу ғалабадан кейин “Болонья” А Серия турнир жадвалида саккизинчи поғонага кўтарилди.
“Zamin”ни Telegram'да ўқинг!
