Россия терма жамоасининг собиқ футболчиси Игорь Семшов Матвей Сафоновнинг ПСЖдаги ҳозирги ўрнини юқори баҳолади. Сўнгги ўйинларда майдонга кўпроқ айнан россиялик дарвозабон тушмоқда, Льюка Шевалье эса захирада қолмоқда. Бу ҳақда euro-football.ru хабар беради.
Семшов фикрича, Сафонов Париж клубида рақобатни ҳалол меҳнати билан ютиб чиққан. У Доннарумма кетганидан кейин Сафоновни жамоанинг “биринчи рақами” деб ҳисоблашини айтиб, аввалроқ нега унга етарли ишонч бўлмагани савол бўлиб қолаётганини таъкидлади.
Чоршанба куни ПСЖ Европа Чемпионлар лигаси доирасида ўз майдонида “Монако”ни қабул қилади. Учрашув тафсилотларини LiveResult порталида матнли трансляция орқали кузатиш мумкин.
Эслатиб ўтамиз, ўтган ҳафта ПСЖ сафарда “Монако”ни 3:2 ҳисобида мағлуб этганди. Ўша баҳс давомида парижликлар бир пайтлар икки тўп фарқи билан ортда қолиб кетган эди.
“Zamin”ни Telegram'да ўқинг!
