Ўзбекистон ёшлар терма жамоаси таэквондо WT бўйича Тошкент–2026 жаҳон чемпионатида яна бир муваффақият қайд этди. Жамоа мусобақада ўзининг иккинчи медалини қўлга киритиб, умумий натижалар жадвалини янада яхшилади.
-48 кг вазн тоифасидаги вакил Ёсинбек Одилов барча рақибларини маҳорат ва ишонч билан ортда қолдириб, мусобақада фахрли биринчи ўринни эгаллади ҳамда олтин медални қўлга киритди.
Финал беллашувида у Ўмон терма жамоаси вакили Довуд Ал-Юсуфийга қарши татамига чиқди. Кескин ва муросасиз кечган баҳсда ҳамюртимиз устунликни сақлаб қолди ва жами 2:0 ҳисобида (5/1, 11/9) ғалаба қозонди.
Ёсинбек Одилов ушбу чемпионатда ўзининг энг юқори натижасини қайд этиб, Ўзбекистонга олтин медал олиб келди. Шу тариқа мамлакат ҳисобидаги медаллар сони 2 тага етди — 1 та олтин ва 1 та кумуш.
Жаҳон чемпионатида ёшларимизнинг бундай натижалари Ўзбекистон таэквондосининг салоҳияти янада юқори эканини кўрсатмоқда.
“Zamin”ни Telegram'да ўқинг!
