Ливерпул афсонаси Стивен Жеррард клубнинг янги мураббий излаш жараёни ҳақида ўз фикрлари билан ўртоқлашди. Унинг фикрича, Борнмут устози Андони Ираола Энфилддаги фаолият учун мукаммал тактик услубга эга. Арне Слот истеъфога чиқарилганидан сўнг, собиқ сардор жамоани қайта тиклаш учун айнан испаниялик мутахассис муносиб номзод эканлигини таъкидлади. Бу ҳақда Goal.com хабар беради.
ТНТ Sportс телеканалига берган интервюсида Жеррард Ираоланинг жанубий соҳилдаги ишлари эътибордан четда қолмаганини айтди. “У Борнмутда ажойиб ишни амалга оширди. Унинг ўйин услуби Ливерпулга мос тушади деб ўйлайман. Бироқ, бундай нуфузли клубга дунёнинг кўплаб элит мураббийлари қизиқиш билдириши табиий, шунинг учун у ягона номзод бўлмайди”, — деди Жеррард.
Арне Слот Ливерпулга 20-чемпионлик унвонини тақдим этган бўлса-да, жамоанинг иккинчи мавсумдаги натижалари кескин пасайиб кетди. Жеррарднинг сўзларига кўра, сўнгги ўйинларда жамоа ўзлигини йўқотиб қўйган ва ўйин услуби тарқоқ кўринган. Шу сабабли, раҳбариятнинг истеъфо ҳақидаги қарори, гарчи кутилмаган бўлса-да, ўз вақтида қабул қилинган деб ҳисобланади.
Клуб эгалари бўлмиш ФСГ гуруҳи Юрген Клопп давридаги юқори интенсивликдаги “ҳеавй метал” футболига қайтишни истамоқда. Маълумотларга кўра, Муҳаммад Салах ҳам жамоанинг тактик ўзгаришларидан норози бўлиб келган. Ҳозирда Андони Ираола билан бир қаторда, Германия терма жамоаси устози Юлиан Нагельсманн ва PSJ мураббийи Луис Энрике номзодлари ҳам кўриб чиқилмоқда.
“Zamin”ни Telegram'да ўқинг!
