Реал Мадрид жамоаси ичида кутилмаган можаро юз берди. Машғулотлар вақтида Федерико Вальверде ва Аурелиен Тчоуамени ўртасида келиб чиққан жисмоний тўқнашув клуб раҳбариятини жиддий чоралар кўришга мажбур қилди. Ушбу воқеа Барселона билан бўладиган ҳал қилувчи Эл-Класико ўйини арафасида жамоа муҳитига салбий таъсир кўрсатди. Бу ҳақда Goal.com хабар беради.
Клуб расмий баёнотига кўра, ҳар икки футболчига нисбатан интизомий иш очилган. Машғулотдаги келишмовчилик оқибатида Вальверде жиддий жароҳат олган. Футболчи столга йиқилиши натижасида бош мия жароҳатини (краниоэнцефалик травма) олган ва шифохонага ётқизилган.
Тиббий кўрик натижаларига кўра, Вальверде 10 кундан 14 кунгача бўлган муддатда тўлиқ дам олиши керак. Бу эса унинг яқинлашиб келаётган муҳим учрашувда майдонга туша олмаслигини англатади. Клуб раҳбарияти вазиятни назоратга олган ва ички суриштирув якунлангач, якуний қарор эълон қилинишини маълум қилди.
Ла Лига чемпионлиги учун курашаётган Реал Мадрид учун бу йўқотиш катта зарба бўлди. Бош мураббий Альваро Арбелоа жамоани Барселона билан бўладиган ўйинга тайёрлаш жараёнида юзага келган ушбу ички низони бартараф этишга уринмоқда.
“Zamin”ни Telegram'да ўқинг!
