Боруссия Боруссия Боруссия Дортмунд клуби узоқ йиллик спорт директори Себастиан Кеҳл билан шартномани ўзаро келишув асосида бекор қилди. 46 ёшли мутахассис 24 йил давомида клуб шарафини ҳам футболчи, ҳам раҳбарият вакили сифатида ҳимоя қилган эди. Ушбу қарор жамоада таркибий ўзгаришлар даври бошланган бир паллада қабул қилинди. Бу ҳақда Goal.com хабар беради.
Клуб раҳбарияти ва Кеҳл ўртасидаги келишувга кўра, томонлар молиявий масалаларни ҳал қилиб олишди. Билд хабарига кўра, клуб афсонасига тахминан 1,5 миллион евро миқдорида товон пули тўлаб берилади. Себастиан Кеҳлнинг ўрнини эса Оле Боок эгаллади.
Ушбу ўзгариш бош мураббий Нико Ковак учун жиддий йўқотиш бўлди, чунки Кеҳл унинг клубдаги асосий таянчи ҳисобланарди. Эндиликда Нико Ковак янги спорт директори билан ҳамкорликда жамоани келгуси мавсумга тайёрлаши керак бўлади.
Себастиан Кеҳл жума куни Боруссия Боруссия Боруссия Дортмунднинг мавсумдаги сўнгги уй учрашувида мухлислар билан хайрлашади. Германия матбуотида тарқалган хабарларга кўра, тажрибали функционер ёзги трансферлар ойнасида Тоттенхем клубига ўтиши мумкинлиги айтилмоқда.
“Zamin”ни Telegram'да ўқинг!
