Эл Класико арафасида Реал Мадрид ички низолар гирдобида қолмоқда. Жамоа ичидаги муҳит кескинлашиб, Антонио Рюдигер, Феде Вальверде ва Аурелиен Тчоуамени каби футболчилар ўртасидаги келишмовчиликлар жамоавий бирликка жиддий путур етказмоқда. Вазият шу даражага етдики, ҳатто машғулотлардаги можаролар оқибатида футболчилар жароҳат олишмоқда. Бу ҳақда Goal.com хабар беради.
Марка нашри хабарига кўра, жамоадаги парокандаликнинг асосий сабаби собиқ мураббий Хаби Алонсо даврига бориб тақалади. Винисиус Жуниор ва Феде Вальверде каби етакчи футболчилар Алонсонинг узоқ давом этадиган тактик машғулотлари ҳамда видео таҳлиллардан очиқчасига норози бўлишган. Бу ҳолат кийиниш хонасини икки лагерга бўлиб юборган.
Винисиус Жуниорнинг Хаби Алонсо давридаги ўйин услуби ва ўзгарувчан таркибдаги ўрни унинг норозилигини янада кучайтирди. Ҳозирги кунда эса Жуд Беллингем ва Эдуардо Камавинга ҳам Алонсонинг ўша даврдаги услублари жамоа формасига салбий таъсир кўрсатганини таъкидлашмоқда. Бу ички зиддиятлар Реал Мадриднинг мавсумдаги натижаларига бевосита таъсир ўтказмоқда.
“Zamin”ни Telegram'да ўқинг!
