Реал Мадрид мураббийи Альваро Арбелоа жамоа машғулотларида Аурелиен Тчоуамени ва Федерико Вальверде ўртасида юз берган жанжал тафсилотларининг матбуотга сизиб чиққанидан қаттиқ ғазабда. У ушбу ҳолатни клуб нишонига нисбатан хиёнат ва содиқсизлик деб атади. Бу ҳақда Goal.com хабар беради.
Арбелоа клуб раҳбариятининг интизомий чораларни тезкорлик билан кўрганини юқори баҳолади. Футболчилар ўз хатоларини тан олиб, узр сўрашганини таъкидлаган мураббий, уларни омма олдида айблаш нияти йўқлигини билдирди.
Мураббийнинг сўзларига кўра, юқори даражадаги футбол муҳитида бундай кескинликлар юз бериб туради ва бу одатий ҳол. У ўз фаолияти давомида ҳам шунга ўхшаш воқеаларга гувоҳ бўлганини эслаб, кийим алмаштириш хонасидаги гаплар ўша ерда қолиши кераклигини таъкидлади.
Арбелоа мавсумдаги муваффақиятсизликлар учун жавобгарликни ўз зиммасига олишини айтиб, жамоани диққатни бўлажак ўйинга қаратишга чақирди. Унинг фикрича, ички низоларни ташқарига чиқариш клуб қадриятларига зид ҳаракатдир.
“Zamin”ни Telegram'да ўқинг!
