Винисиус Жуниор деярли Барселона футболчисига айланиши мумкин эди
Барселона клубининг собиқ президенти Жосеп Бартомеу бразилиялик футболчи Винисиус Жуниор ўз фаолияти бошида каталонияликлар сафига ўтишга жуда яқин бўлганини маълум қилди. Бартомеунинг сўзларига кўра, томонлар ўртасида дастлабки келишувга ҳам эришилган эди, бироқ Реал Мадрид яхшироқ таклиф бериб, футболчини ўз сафига қўшиб олган. Реал Мадрид 2017-йилнинг май ойида ушбу иқтидор эгаси учун 45 миллион евро тўлаганини эълон қилган эди.
Испания футболи оламида кутилмаган хабар тарқалди: Барселона собиқ президенти Хосеп Бартомеу Винисиус Жуниор фаолияти бошида каталонияликлар сафига ўтишига жуда яқин бўлганини маълум қилди. Бартомеу ЭСПН Депортес нашрига берган интервюсида томонлар ўртасида дастлабки келишувга эришилганини тасдиқлади. Бу ҳақда Goal.com хабар беради.
"Биз Винисиус Жуниор билан музокараларни анча олдинга сурган эдик. Унинг оиласи ва агентлари билан гаплашдик, ҳатто дастлабки келишув ҳам бор эди. Бироқ, Реал Мадрид биздан кўра яхшироқ таклиф билан чиқди ва футболчини ўз сафига қўшиб олди", — дейди Бартомеу.
Реал Мадрид 2017-йилнинг май ойида бразилиялик иқтидор эгаси учун 45 миллион евро тўлаганини эълон қилган эди. Винисиус 18 ёшга тўлганидан сўнг, яни 2018-йилнинг июль ойида расман Мадрид клуби футболчисига айланди. Ўтган давр мобайнида у дунёнинг энг кучли ҳужумчиларидан бирига айланишга муваффақ бўлди.
Винисиус Жуниор Мадрид клуби сафида 372 та ўйинда майдонга тушиб, 127 та гол урди ва 100 та голли узатмани амалга оширди. Айни дамда Реал Мадрид ички муаммолар ва жамоа ичидаги келишмовчиликлар ҳақидаги миш-мишлар билан курашмоқда, бироқ Антонио Рюдигер билан боғлиқ айрим хабарлар ўз тасдиғини топмади.
Изоҳлар 0
…