Ули Хёнес: Футболни ҳаддан ташқари жиддий қабул қилишмоқда

Бавария фахрий президенти Ули Хёнес замонавий футболнинг ўта жиддий тус олганидан норозилигини билдирди. Унинг фикрича, бугунги кунда спорт янгиликлари глобал можаролар билан бир қаторда ёритилаётгани мантиқсизликдир. Хёнес ўз даврида футболчиларнинг ҳаёти анча эркин ва самимий бўлганини, ҳозир эса ҳар бир қадам назорат остида эканини таъкидлади. Бу ҳақда Goal.com хабар беради.

Фахрий президент, шунингдек, 2026-йилги Жаҳон чемпионати учун FIFA белгилаган нархлар сиёсатини кескин танқид қилди. У футбол финали Супер Бовл каби тижорат шоусига айланиб қолмаслиги кераклигини, миллиардерлар учун мўлжалланган қимматбаҳо ложалар ҳақиқий мухлислар манфаатига зид эканини айтди.

Бавария клубининг ижтимоий масъулиятига тўхталган Хёнес, 175 евролик мавсумий чипталар нархини сақлаб қолишдан фахрланишини билдирди. Унинг сўзларига кўра, футбол биринчи навбатда оддий мухлислар учун мўлжалланган ва улар ўйинни томоша қилиш учун ўз эҳтиёжларидан воз кечишга мажбур бўлмасликлари керак.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг