Ханси Флик Эль Класико олдидан оғир жудоликка учради

Барселона бош мураббийи Ханси Флик Реал Мадридга қарши ўйин олдидан отасидан айрилди. Клуб ушбу қайғули хабарни расман тасдиқлади ва мураббий ҳамда унинг оиласига ҳамдардлик билдирди. Бу ҳақда Goal.com хабар беради.

Шунга қарамай, Ханси Флик жамоани тарк этмасликка ва ўйинни майдон четидан бошқаришга қарор қилди. У ўз футболчилари ва мураббийлар штабини эрталабки йиғилишда хабардор қилиб, профессионал бурчини бажариш учун ўйинда қолишини маълум қилди.

Ушбу учрашув Барселона учун тарихий аҳамиятга эга, чунки жамоа ғалаба қозонган тақдирда муддатидан аввал Испания чемпионлигини расмийлаштиради. Реал Мадрид эса таркибида Килиан Мбаппе йўқлиги сабабли ҳужум чизиғида муаммоларга дуч келмоқда.

Клуб ва футболчилар мураббийнинг бу матонатли қарорини юқори баҳолашди. Жамоа ичидаги бирдамлик ва Ханси Фликга бўлган ҳурмат ушбу муҳим баҳсда ғалаба қозониш учун қўшимча мотивация вазифасини ўтамоқда.