Реал Мадрид бош мураббийлик лавозими учун асосий номзод сифатида Хосе Моуриньо кўрилмоқда. Бироқ, клуб раҳбарияти португалиялик мутахассис билан келишув амалга ошмай қолиши эҳтимолини инобатга олиб, "Б режаси"ни ҳам тайёрлаб қўйган. Бу ҳақда Goal.com хабар беради.
Радио Марка журналисти Раул Варела хабарига кўра, Мадрид клуби Хосе Моуриньо билан музокаралар муваффақиятсиз якунланган тақдирда, Бундеслига собиқ мураббийи Пеллегрино Матараззони асосий номзод сифатида кўриб чиқмоқда. Флорентино Перез Альваро Арбелоани алмаштириш учун бир нечта вариантни таҳлил қилмоқда.
Пеллегрино Матараззонинг замонавий футбол фалсафаси Бернабеуда юқори баҳоланмоқда. Шунга қарамай, 48 ёшли америкалик мутахассиснинг Реал Мадридга ўтиши ҳозирча кам эҳтимолли деб қаралмоқда. Клуб ичида Хосе Моуриньога бўлган ишонч жуда юқори.
Трансфер эксперти Сача Таволиери маълумотларига кўра, Хосе Моуриньо билан келишув деярли якунланган ва клуб келаси ҳафта расмий эълон қилиши мумкин. Моуриньонинг Бенфика билан шартномасида 3 миллион евролик товон пули мавжуд.
Пеллегрино Матараззо эса 2025-йил декабрь ойида Реал Сосиедад жамоасини қабул қилиб олган эди. У қисқа вақт ичида жамоа ўйинини тубдан ўзгартириб, уларни Испания кубоги ғолиблигига ва Европа лигаси йўлланмасига олиб чиқди.
“Zamin”ни Telegram'да ўқинг!
