Ливерпул бош мураббийи Арне Слот Англия Премер-лигаси доирасида Астон Вилла майдонига сафар олдидан жамоанинг таркиб ҳолати ҳақида маълумот берди. Жамоанинг етакчи ҳужумчиси Муҳаммад Салах жароҳатидан фориғ бўлиб, таркибга қайтиши кутилмоқда. Бу ҳақда Goal.com хабар беради.
Шу билан бирга, ярим ҳимоячи Флориан Виртс ошқозон инфекцияси сабабли бўлажак баҳсни ўтказиб юбориши мумкин. Мураббий футболчининг ҳолати ўйин кунигача назорат қилинишини таъкидлади.
Ҳимоячи Ибраҳима Конате жароҳатидан сўнг тўлиқ машғулотларга қайтди. Дарвозабон Алиссон Беккер ҳам жамоа билан бирга шуғулланишни бошлади, бироқ унинг майдонга тушиши ўйиндан олдин аниқ бўлади.
Ҳозирда Ливерпул ва Астон Вилла 59 очко билан турнир жадвалида ёнма-ён бормоқда. Ушбу учрашув Чемпионлар лигаси йўлланмаси учун курашда ҳал қилувчи аҳамиятга эга.
“Zamin”ни Telegram'да ўқинг!
