Барселона клуби ёзги трансфер ойнасида таркибни кучайтириш мақсадида ҳужум чизиғига янги футболчи қидирмоқда. Дастлаб Атлетико Мадрид ҳужумчиси Хулиан Альварес асосий нишон сифатида кўрилган бўлса-да, каталонияликлар ушбу трансфер мураккаблигини инобатга олиб, муқобил вариантларни кўриб чиқишга қарор қилишди. Бу ҳақда Goal.com хабар беради.
Испаниянинг Мундо Депортиво ва Sport нашрлари хабарига кўра, Барселона спорт директори Деку Челси ҳужумчиси Жоао Педро номзодига жиддий қизиқиш билдирмоқда. Клуб раҳбарияти ушбу футболчини Хулиан Альваресга нисбатан анча арзонроқ ва қулайроқ вариант деб ҳисобламоқда.
Бироқ, бу трансфер осон кечмаслиги аниқ. Британиянинг Даилй Маил нашри маълумотларига кўра, Челси ўзининг етакчи тўпурарини қўйиб юбориш ниятида эмас. Лондонликлар футболчи учун 100 миллион евро атрофида маблағ талаб қилмоқда, Барселона эса 70 миллион евро атрофидаги таклиф билан чекланмоқчи.
Вазиятни ўрганиш ва музокараларни бошлаш учун Деку Лондонга етиб келди. У Челси раҳбарияти билан учрашиб, трансфер шартлари бўйича аниқроқ маълумот олишни режалаштирган. Ҳозирча томонлар ўртасидаги молиявий тафовут битимга эришишда асосий тўсиқ бўлиб турибди.
“Zamin”ни Telegram'да ўқинг!
