Англия Кубоги финалида «Манчестер Сити» «Челси»ни 1:0 ҳисобида мағлуб этиб, бош совринни қўлга киритди. Учрашувдаги ягона голни 71-дақиқада А. Семено киритди.
Ўйиндан кейин эълон қилинган статистик баҳоларга кўра, ўзбекистонлик ҳимоячи Абдуқодир Ҳусанов 6.8 баллга лойиқ кўрилди. У баҳс давомида ҳимоя чизиғида ҳаракат қилиб, жамоасининг ғалабасига ҳисса қўшди.
Статистик маълумотларга қараганда, «Манчестер Сити» ўйин давомида устунлик қилди. Жамоа 56 фоиз тўп назоратига эга бўлиб, 527 та пас амалга оширди. Шунингдек, «шаҳарликлар» дарвоза томон 10 та зарба берди ва уларнинг 4 таси аниқ бўлди.
Абдуқодир Ҳусанов эса учрашув давомида сариқ карточка ҳам олди. Шунга қарамай, у финальдек муҳим баҳсда асосий таркибда майдонга тушиб, мураббийлар ишончини оқлашга ҳаракат қилди.
