Барселона ярим ҳимоячиси Фермин Лопес жароҳат сабаб мундиални ўтказиб юборади
"Барселона" ярим ҳимоячиси Фермин Лопес Ла Лига доирасида "Real Betis"га қарши кечган баҳсда ўнг оёғининг бешинчи метатарсал суягини синдириб олгач, жарроҳлик амалиётини ўтказиши маълум қилинди. 23 ёшли футболчининг тикланиш жараёни камида олти-саккиз ҳафта давом этиши сабабли, у яқинлашиб келаётган жаҳон чемпионатида қатнаша олмайди. Ушбу жароҳат Испания терма жамоаси бош мураббийи Луис де ла Фуенте учун кутилмаган зарба бўлди.
Барселона клуби ярим ҳимоячиси Фермин Лопес жиддий жароҳат олди. 23 ёшли футболчи Ла Лига доирасида Real Betisга қарши кечган баҳсда (3:1) оёғидан жароҳат олиб, биринчи бўлимдан сўнг майдонни тарк этишга мажбур бўлганди. Бу ҳақда Goal.com хабар беради.
Клуб расмий баёнотига кўра, тиббий кўриклар футболчининг ўнг оёғи бешинчи метатарсал суяги синганини тасдиқлади. Шу сабабли, иқтидорли ярим ҳимоячи жарроҳлик амалиётини ўтказиши керак бўлади.
Ушбу нохуш хабар Испания терма жамоаси бош мураббийи Луис де ла Фуенте учун кутилмаган зарба бўлди. Фермин Лопес яқинлашиб келаётган жаҳон чемпионати учун таркибга киритилиши кутилаётган эди, бироқ тикланиш жараёни камида олти-саккиз ҳафта давом этиши унинг мундиалдаги иштирокини имконсиз қилади.
Фермин Лопес Барселона таркибида мавсумнинг муҳим ўйинчисига айланган эди. У нафақат клубнинг сўнгги турдаги Валенсияга қарши ўйинини, балки Испания терма жамоасининг 15-июн куни Кабо-Вердега қарши бошланадиган жаҳон чемпионати баҳсларини ҳам ўтказиб юборади.
Изоҳлар 0
…