Бавария клуби Пари Сен-Жермен вингери Брадлей Баркола билан шартнома имзолаш имкониятларини қайта кўриб чиқмоқда. Скй хабарига кўра, спорт директори Max Эберл сўнгги кунларда ушбу трансфер бўйича музокаралар олиб борган, бироқ Пари Сен-Жермен футболчи учун 90 миллион евро талаб қилаётгани немис клубини қийин аҳволда қолдирган. Бу ҳақда Goal.com хабар беради.
Ўтган ёзда ҳам Бавария ушбу футболчига қизиқиш билдирган эди, бироқ якунда Ливерпулдан Луис Диаз таркибга қўшиб олинди. Шунга қарамай, Мюнхен клуби ҳужум чизиғини кучайтириш мақсадида янги номзодларни қидиришда давом этмоқда. Номзодлар орасида Нюкасл Юнайтед вингери Антҳонй Гордон ҳам бор, у Гарри Кейн ва Лука Жовик ортида самарали ўйнаши мумкин.
Тҳе Атҳлетик нашрининг таъкидлашича, Бавария учун асосий трансфер мақсади РБ Лейпциг вакили Ян Диоманде ҳисобланади. Брадлей Баркола эса Парижда захира ўриндиғида қолиб кетганидан норози. Унинг шартномаси 2028-йилга қадар мўлжалланган бўлса-да, футболчи янги шартномани имзолашдан бош тортган.
Ҳозирги вақтда Брадлей Баркола учун курашда Барселона, Ливерпул ва Арсенал клублари ҳам фаоллик кўрсатмоқда. Айниқса, Арсенал ушбу трансферни амалга оширишга яқин турибди. Пари Сен-Жермен ҳали расмий таклиф олмаган бўлса-да, Англия Премер-лигаси клублари учун 90 миллион евролик нарх тўсиқ бўлмаслиги мумкин.
“Zamin”ни Telegram'да ўқинг!
