Хосе Моуриньо яна Реал Мадрид бошқарувига қайтиши мумкин

Реал Мадрид раҳбарияти мавсум якунлангач, Хосе Моуриньо билан шартнома имзолаш бўйича якуний қарорга келди. Португалиялик мутахассис "Қироллик клуби"ни қайта тиклаш ва жамоани янги чўққиларга олиб чиқиш учун "Сантиаго Бернабеу"га қайтишга тайёр. Бу ҳақда Goal.com хабар беради.

ESPN хабарига кўра, клуб расмий эълонни келаси ҳафта, яни Ла Лига мавсуми якунланганидан сўнг амалга оширмоқчи. Айни дамда Бенфика бош мураббийи бўлиб турган Моуриньо Лиссабон клуби билан хайрлашиш жараёнини бошлаб юборган.

Флорентино Перез жамоанинг жорий мавсумда Барселона ортида қолгани ва Чемпионлар лигасидаги муваффақиятсиз иштирокидан сўнг, айнан Моуриньо номзодига тўхталди. Томонлар икки йиллик шартнома борасида оғзаки келишувга эришган.

Моуриньо ўз интервюсида агенти Жорге Мендес ва Реал Мадрид раҳбарияти ўртасида музокаралар кетаётганини тасдиқлади. Мутахассис келаси ҳафта клуб раҳбарияти билан шахсан учрашиб, якуний қарорини маълум қилишини таъкидлади.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг