Александер Нюбелнинг келажаги на ВфБ Стюттгарт ва на Бавария билан боғлиқ бўлиб турибди. Сўнгги хабарларга кўра, икки йирик гранд клуб германиялик дарвозабонни ўз сафига қўшиб олиш учун фаол ҳаракат бошлаган. Sport Bild нашри Манчестер Сити ва Ювентус Мюнхен клуби билан алоқага чиққани ҳамда 29 ёшли посбоннинг агентлари билан музокаралар олиб бораётганини маълум қилди. Бу ҳақда Goal.com хабар беради.
Бавария ўз дарвозабони учун 10 миллиондан 15 миллион еврогача трансфер ҳақи талаб қилмоқда. Айнан шу нарх ва футболчининг юқори маоши ВфБ Стюттгартнинг уни тўлиқ сотиб олиш режаларидан воз кечишига сабаб бўлди. Маълумотларга кўра, Нюбелнинг йиллик маоши 11 миллион еврони ташкил этади ва ижара даврида унинг катта қисмини Мюнхен клуби тўлаб келган.
Бавария дарвозабонлар мураббийи Майкл Речнер аллақачон Нюбел билан махфий учрашув ўтказиб, у клубнинг келажакдаги режаларига кирмаслигини маълум қилган. Футболчига янги жамоа топиш тавсия этилган. Мюнхенликлар ушбу трансфердан молиявий жиҳатдан кўпроқ фойда кўриш учун Англия Премер-лигаси клубларидан тушадиган таклифларга умид боғламоқда.
ВфБ Стюттгарт эса келаси мавсумда Чемпионлар лигаси баҳсларида асосий дарвозабон сифатида Деннис Сеименга ишонч билдиришни режалаштирмоқда. Сеимен ўтган мавсумни ижара асосида муваффақиятли ўтказиб, ўз маҳоратини кўрсата олди. Нюбел учун эса Манчестер Сити ва Ювентус каби клублар ўртасидаги рақобат унинг фаолиятида янги саҳифа очиши мумкин.
“Zamin”ни Telegram'да ўқинг!
