Нидерландия ва Швеция баҳсида бир нечта рекорд қайд этилди
Нидерландия терма жамоаси 2026 йилги Жаҳон чемпионати гуруҳ босқичининг иккинчи турида Швецияни 5:1 ҳисобида енгиб, Жаҳон чемпионатлари тарихида 100 тадан ортиқ гол урган, бироқ ҳали бирор марта бош совринни қўлга киритмаган илк жамоага айланди. Нидерландия бунгача 1974, 1978 ва 2010 йилларда финалга чиққан, аммо учала ҳал қилувчи баҳсда ҳам ютқазиб қўйганди. Швецияга қарши кечган учрашувдаги ғалаба жамоага яна икки янги рекордни тақдим етди.
Нидерландия терма жамоаси Жаҳон чемпионатлари тарихида 100 тадан ортиқ гол урган, аммо ҳали бирор марта бош совринни қўлга киритмаган илк жамоа бўлди. Нидерландияликлар бу кўрсаткичга 2026 йилги Жаҳон чемпионати гуруҳ босқичининг иккинчи турида Швецияни 5:1 ҳисобида мағлуб этган учрашувда эришди, деб хабар беради «Yevro-Futbol.Ru».
Нидерландия аввал ҳам Жаҳон чемпионати ғолиблигига бир неча бор яқин келган. Терма жамоа 1974, 1978 ва 2010 йилларда финалга чиққан, бироқ учала ҳал қилувчи баҳсда ҳам рақибига имкониятни бой берган.
Швецияга қарши ғалаба Нидерландиянинг яна икки рекордни янгилашига хизмат қилди. Жамоа Жаҳон чемпионатларида кетма-кет 14 та учрашувда асосий ва қўшимча вақтда мағлуб бўлмади. Бу статистикада пеналтилар серияси натижалари ҳисобга олинмайди.
Шунингдек, Нидерландия Жаҳон чемпионатлари гуруҳ босқичидаги мағлубиятсиз сериясини 18 та ўйинга етказди. Бу ҳам мусобақа тарихидаги энг юқори кўрсаткич сифатида қайд этилди.
Изоҳлар 0
…