Ўзбекистон ва Португалия ўйини куни Тошкент метроси соат 01:00 гача ишлайди

23 июн куни Тошкент метрополитени тунги соат 01:00 гача ишлайди. Бу ҳақда йўловчиларга қўшимча қулайлик яратиш мақсадида қарор қабул қилинган.

Шу куни футбол бўйича Ўзбекистон миллий терма жамоаси соат 22:00 да Португалияга қарши майдонга тушади. Учрашув кечки вақтда бошланиши сабаб пойтахт метросининг иш вақти одатдагидан бир соатга узайтирилади.

Метро поездлари ҳаракати тунги соат 01:00 гача давом этади. Бу футбол учрашувини томоша қилган мухлисларнинг шаҳар бўйлаб қайтиши учун қўшимча имконият яратади.