Аввалроқ, Ўзбекистон Республикаси Президенти Шавкат Мирзиёев Туркманистон президенти Гурбангули Бердимуҳамедовнинг таклифига биноан 17 сентябрь куни Туркманистонга жўнаб кетгани ҳақида хабар берган эдик.
Ашхобод халқаро аэропортида олий мартабали меҳмонни Туркманистон Республикаси Вазирлар Маҳкамаси раиси ўринбосари Есинмират Оразгелдиев кутиб олган эди.
Ўзбекистон Республикаси Президенти Шавкат Мирзиёев кеча, 17 сентябрь куни Туркманистон пойтахти Ашхобод шаҳрида ўтказилаётган Ёпиқ иншоотларда ва жанг санъатлари бўйича V Осиё ўйинларининг очилиш маросимида иштирок этди.
ЎзА хабарига кўра, Шавкат Мирзиёев Ашхобод Олимпия стадионига ташриф буюрди. 45 минг томошабинга мўлжалланган иншоотга кўплаб мамлакатлардан келган давлат ва ҳукумат раҳбарлари, Осиё олимпия кенгаши раҳбарияти, фахрий меҳмонлар, минглаб спорт ишқибозлари тўпланди.
Ушбу тадбирнинг очилиш маросимида Туркманистон президенти Гурбангули Бердимуҳамедов Осиё ўйинларини расман очиқ деб эълон қилди.
Ундан сўнг, Осиё олимпия кенгаши президенти Шайх Аҳмад ал-Фаҳад ас-Сабоҳ сўзга чиқиб, йиғилганларни спорт байрами билан табриклади.
Ёпиқ иншоотларда ва жанг санъатлари бўйича V Осиё ўйинларида 60 дан ортиқ мамлакатдан спортчилар иштирок этиши айтиб ўтилди.
Ўзбекистон Республикаси Давлат байроғини оғир атлетика бўйича жаҳон чемпионати кумуш медали соҳиби Улуғбек Алимов олиб чиқди.
Маълумот учун, Ўзбекистон делегацияси таркибида 189 спортчи бўлиб, улар спортнинг 20 тури бўйича Ўзбекистон шарафини ҳимоя қилади.
Манба: qalampir.uz “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
“Толибон” Эроннинг Исроилга қарши ҳужумини қўллаб-қувватлади
Бухоро вилоятида «Нексия-3» автомашинаси букланиб қолди
Можародан сўнг Украинани нима кутаётгани маълум бўлди
Эроннинг Исроилга ҳужуми шунчаки спектакль эдими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Давлат хавфсизлик хизмати маклерларга қўшиб мансабдорларни ҳам қўлга олди
Элдор Шомуродов гол урган баҳсда “Кальяри” меҳмонда “Интер” билан дуранг ўйнади (видео)